Azərbaycan, Bakı, 03 sentyabr / Trend , müxbir C.Babayeva /
Azərbaycan Xalq Sosialist Partiyası (AXSP) və Demokrat Sol Partiyası (ADSP) birləşməyə tələsmirlər.
"Oktyabrda keçirilməsi planlaşdırılan sol qüvvələrin forumuna hər iki partiya ayrı-ayrılıqda qatılacaq. Forumdan sonra partiyaların birləşməsi barədə müzakirələr davam etdiriləcək", - cümə axşamı Trend -a AXSP sədrinin ictimai əlaqələr üzrə müavini Rüstəm Şahsuvarov bildirib.
Trend -un arayışı: ADSP sədri Elşən Manafovun öncə Trend -a bildirdiyinə görə, partiyanın Azərbaycan Xalq Sosialist Partiyasına birləşməsi ilə bağlı danışıqlar aparılır. "Böyük ehtimalla bələdiyyə seçkisi öncəsi iki partiyanın birləşməsi ilə bağlı siyasi qərar qəbul ediləcək ", - Manafov deyib.
Şahsuvarovun sözlərinə görə, partiyaların birləşməsi realdır. "Partiyalar ideoloji və siyasi baxımdan bir-birinə olduqca yaxındır", - o deyib.
Trend -un arayışı: Ötən ilin oktyabrında təsis edilən Azərbaycan Xalq Sosialist Partiyası hələ dövlət qeydiyyatına alınmayıb.
Məqalə müəllifi ilə əlaqə ünvanı: [email protected]