Azərbaycan, Bakı, 07 oktyabr / Trend , müxbir A.Hüseynbala/
Azərbaycanda keçiriləcək bələdiyyə seçkilərində veb-kameralar tətbiq ediləcək. Trend -un məlumatına görə, bu barədə çərşənbə günü jurnalistlərə Mərkəzi Seçki Komissiyasının (MSK) sədri Məzahir Pənahov bildirib.
Azərbaycanda bələdiyyə seçkisi dekabrın 23-də keçiriləcək. 1718 bələdiyyə üzrə seçkilər keçiriləcək.
Pənahov bildirib ki, seçkilərdə beynəlxalq təşkilatlar və yerli müşahidəçilərin hər birinə şərait yaradılacaq.
MSK katibi Natiq Məmmədov isə deyib ki, bələdiyyə seçkisində exit-poll (paralel səsvermə) da tətbiq ediləcək. Səsverməyə 28 gün qalmış, yəni noyabrın 25-dən seçkinin təşviqat kampaniyası başlanılacaq.
Məqalə müəllifi ilə əlaqə ünvanı: [email protected]