Azərbaycan, Bakı, 01 fevral / Trend , müxbir S.Ağayeva/
Hindistanın işgüzar adamlarından ibarət missiya fevralın 7-10-da Azərbaycana səfər edəcək. Bu barədə Hindistanın Bakıdakı səfirliyindən Trend -a məlumat verilib. Bu missiyanın tərkibinə ölkənin aparıcı farmasevtik firmalarının nümayəndələri daxildir.
Səfər Hindistanın Sənaye və Ticarət Nazirliyi yanında Farmasevtik məhsulların ixracının təşviqi şurasının xətti ilə təşkil edilib. Səfər çərçivəsində Bakıda fevralın 8-də seminar keçiriləcək. Hindistanın farmasevtik firmalarının nümayəndələri səfər çərçivəsində Azərbaycan bazarını öyrənmək və yerli tərəfdaşlarla tanış olmaq niyyətindədirlər.