Azərbaycan, Bakı, 03 fevral / Trend , müxbir K.Zərbalıyeva/
Azərbaycanın daxili işlər naziri Ramil Usubovun "Femida 007" qəzetinin redaktoru Əyyub Kərimova qarşı xüsusi ittiham qaydasında qaldırdığı iddia üzrə məhkəmə prosesi yekunlaşıb.
Trend -un məlumatına görə, məhkəmənin qərarı ilə Əyyub Kərimov Cinayət Məcəlləsinin 147.2 maddəsi ilə təqsirli bilinərək aylıq maaşından 15% tutulmaqla, 1 il 6 ay müddətinə islah işlərinə cəlb olunub. 220 manat məbləğində məhkəmə xərcləri və məhkəmə ekspertiza xərcləri Kərimovun hesabına ödəniləcək.
Daxili işlər naziri Ramil Usubov Əyyub Kərimova qarşı Cinayət Məcəlləsinin 147.2 maddəsi ilə (ağır və ya xüsusilə ağır cinayətdə ittiham etməklə böhtan atma) iddia qaldırıb. Buna səbəb Əyyub Kərimovun mətbuatda Daxili İşlər Nazirliyi haqqında yazdığı məqalələrdir.