Azərbaycan, Bakı, 10 may /Trend, müxbir A.Hüseynbala/
Azərbaycan Parlamentinin birinci vitse-spikerinin qatılacağı 3-cü Neva Beynəlxalq Ekoloji Konqresində ekoloji məsələlər müzakirə olunacaq.
Milli Məclisin mətbuat xidmətindən bazar ertəsi Trend-ə bildiriblər ki, mayın 12-də birinci vitse-spiker Ziyafət Əsgərov 3-cü Neva Beynəlxalq Ekoloji Konqresində iştirak etmək üçün Sankt-Peterburqa yola düşəcək.
Milli Məclisin deputatı Jalə Əliyevanın da qatılacağı bu tədbirdə enerji effektivliyi və iqtisadiyyatın modernləşdirilməsi, ekologiya qlobal qarşılıqlı təsir sahəsi kimi, ekologiya, su və sağlam həyat tərzi, vətəndaş cəmiyyəti "yaşıl planet" uğrunda və digər məsələlər ətrafında fikir mübadiləsi aparılacaq.