Аzərbaycan, Bakı, 27 may /Trend, müxbir Ü.Sadıxova/
İyun ayının birinci yarısında Azərbaycan Daxili İşlər Nazirliyinin nümayəndə heyəti İordaniyaya səfər edəcək. Bu barədə Azərbaycanın Əmmandakı səfiri Elman Araslı Trend-ə bildirib. Bu Haşimilər Krallığında danışıqlar aparacaq DİN-in nümayəndə heyətinin ikitərəfli münasibətlər tarixində ilk görüşü olacaq.
"Beləliklə bizim əlaqələrimizdə yeni əməkdaşlıq səhifəsi açılır", - Araslı İordaniya paytaxtından telefonla bildirib.
Hələlik Azərbaycan nümayəndə heyətinə kimin rəhbərlik edəcəyi haqqında dəqiq məlumat yoxdur. Görüş zamanı hüquq-mühafizə orqanları arasında əməkdaşlıq məsələləri müzakirə olunacaq.