Fransa, Strasburq, 29 may/ Trend, müxbir A. Məhərrəmli/
Mayın 28-də Fransanın Strasburq şəhərində " Avropa evi " Assosiasiyasının binasında Azərbaycanın milli bayramı- Respublika Günü münasibətilə rəsmi ziyafət təşkil edilib. Bu barədə Trend-ə şənbə günü Azərbaycanın Avropa Şurası yanında daimi nümayəndəliyindən məlumat verilib.
Daimi nümayəndəliyin təşkil etdiyi qəbulda AŞ-nin yüksək rütbəli şəxsləri, AŞ Venesiya Komissiyasının katibi, Strasburqda akkreditə olunmuş diplomatik korpusun nümayəndələri, yerli idarəetmə orqanlarının məsul şəxsləri, Strasburq universitetinin ziyalıları və Azərbaycan diasporunun nümayəndələri iştirak ediblər.