Azərbaycan, Bakı, 1 iyun /Trend, müxbir M. Əliyev/
Seçki qanunvericiliyinin müzakirəsi Milli Məclisin gündəliyinə daxil edilə bilər, - Trend-in məlumatına görə, bu barədə çərşənbə axşamı jurnalistlərə açıqlamasında Milli Məclisin vitse-spikeri Bahar Muradova bildirib.
"Hər zaman seçkilər ərəfəsində Azərbaycan Parlamenti seçki qanunvericiliyinə nəzər salıb, ola bilər ki, bu dəfə də bu məsələ gündəliyə daxil edilsin", - Muradova əlavə edib.
Azərbaycanda Parlament seçkilərinin 2010-cu ilin payızında keçiriləcəyi gözlənilir. Bundanəvvəlki seçkilər 2005-ci ilin noyabr ayında keçirilib. Azərbaycanda Parlament seçkiləri majoritar sistem üzrə 125 seçki dairəsində keçirilir.
Seçkilərdə qüvvələr nisbətinə münasibət bildirən vitse-spiker bu dəfə də hakim Yeni Azərbaycan Partiyasının (YAP) nümayəndələrinin daha çox üstünlük əldə edəcəyinə inandığını bildirib.