...

Qazaxıstan və Türkiyə Qırğızıstanda vəziyyətin nizama salınması üçün fəaliyyət planı hazırlamaq barədə razılığa gəliblər

Siyasət Materials 21 İyun 2010 13:34 (UTC +04:00)
Qazaxıstan və Türkiyə Qırğızıstanda vəziyyətin nizama salınması üzrə konkret fəaliyyət planını hazırlamaq barədə razılığa gəliblər, - bu barədə bazar ertəsi ATƏT-in fəaliyyətdə olan sədri, Qazaxıstanın xarici işlər nazirinin dövlət katibi Kanat Saudabayev Astanada keçirilmiş brifinqdə deyib.

Аzərbaycan, Bakı, 21 iyun /Trend, müxbir S.Süleymanov/

Qazaxıstan və Türkiyə Qırğızıstanda vəziyyətin nizama salınması üzrə konkret fəaliyyət planını hazırlamaq barədə razılığa gəliblər, - bu barədə bazar ertəsi ATƏT-in fəaliyyətdə olan sədri, Qazaxıstanın xarici işlər nazirinin dövlət katibi Kanat Saudabayev Astanada keçirilmiş brifinqdə deyib.

"Son müzakirələr və razılaşmalardan sonra elan ediləcək birgə fəaliyyət planının hazırlanması barədə razılığa gəlinib. Biz bu istiqamətdə birgə çalışacağıq", - Saudabayev deyib.

Onun sözlərinə görə, Astanada türkiyəli həmkarı ilə görüş iki ölkə rəhbərlərinin tapşırığı ilə keçirilir.

Bu gün bizə yalnız iki ölkənin xarici işlər nazirlərinin deyil, Qazaxıstan tərəfdən ATƏT-in və Türkiyə tərəfdən Asiyada qarşılıqlı fəaliyyət və etimad tədbirləri üzrə konfransın (CICA) sədrləri səviyyəsində səylərimizi birləşdirmək üçün imkanlar verilib.

Onun sözlərinə görə, birgə səylər, xüsusilə də Qırğızıstanda vəziyyətin stabilləşdirilməsi barədə ətraflı fikir mübadiləsi aparılıb.

Saudabayev bildirib ki, Qazaxıstan Prezidenti Nursultan Nazarbayev Qırğızıstanda baş verən böhranın ilk günlərindən bəri gərginliyin aradan qaldırılması üçün bütün səyi ilə çalışır.

"Bu gün Əhməd Davudoğlu Qazaxıstan Prezidenti ilə görüşəcək və Mərkəzi Asiya regionunun problemli nöqtələrində vəziyyətin nizama salınması üçün bir çox vacib məsələləri müzakirə edəcək", - o deyib.

Onun məlumatına görə, türkiyəli nazir Əhməd Davudoğlu bu gün Astanadan vətənə qayıdacaq.

Xəbər lenti

Xəbər lenti