Azərbaycan, Bakı, 22 iyun /Trend, müxbir M.Əliyev/
ATƏT-in Demokratik Təsisatlar və İnsan Hüqurları Bürosunun seçkiqabağı qiymətləndirmə missiyası Azərbaycanda parlament seçkiqabağı vəziyyəti öyrənir.
Nikolos Kaçarovskinin başçılıq etdiyi missiya Mərkəzi Seçki Komissiyasında sədr Məzahir Pənahovla görüşüb. Bu barədə Trend-ə MSK-nın mətbuat xidmətindən bildiriblər.
Azərbaycanda parlament seçkilərinin keçirilməsi noyabrda nəzərdə tutulub.
Pənahov Mərkəzi Seçki Komissiyasının beynəlxalq qurumlarla, xüsusən də ATƏT-lə əlaqələrə önəm verdiyini bildirərək, qarşıdan gələn seçkilərdə də sıx əməkdaşlıq edəcəklərini nəzərə çatdırıb.
Missiyanın üzvləri seçki komissiyalarının təşkili və iş prinsipləri, MSK-nın seçkiyə hazırlıq çərçivəsində gördüyü işlər və gələcək fəaliyyət istiqamətləri ilə maraqlanıblar.
Görüşdə tərəflər arasında gələcək əməkdaşlığın perspektivləri də müzakirə edilib.