Azərbaycan, Bakı, 20 iyul /Trend, müxbir A.Qasımova/
ABŞ Senatının Beynəlxalq əlaqələr komitəsi Metyu Brayzanın Birləşmiş Ştatların Azərbaycandakı səfir vəzifəsinə namizədliyinə baxacaq, - bu barədə Senatın saytı məlumat verib.
Dinləmələr cümə axşamı - iyulun 22-də saat 10:00-da senator Şahinin (senator Shaheen) sədrliyi altında keçiriləcək.
Elə həmin gün Brayzanın namizədliyi ilə yanaşı, Frensis Cozef Rikardonenin ABŞ-ın Türkiyədəki səfiri, Daniel Beneta Smitin Amerikanın Yunanıstandakı və İslandiya, Bosniya, Herseqovinadakı səfirlərinin də namizədliyi məsələsinə baxılacaq.