Azərbaycan, Bakı, 16 sentyabr /Trend, müxbir S.Ağayeva/
Bakıda Azərbaycan və İtaliya arasında parlamentlərarası əlqələrin inkişafı məsələləri müzakirə ediləcək.
Danışıqlar İtaliya Senatının Avropa İttifaqı siyasəti üzrə daimi komissiyasının sədri, parlamentin Azərbaycan-İtaliya dostluq qrupunun rəhbəri senator Rossana Boldininin qarşıdan gələn səfəri çərçivəsində keçiriləcək. Bu barədə cümə axşamı Trend-ə Azərbaycanın İtaliyadakı səfiri Emil Kərimov bildirib.
Sentyabrın 23-25-də baş tutacaq səfər zamanı Boldinini bir neçə İtaliya senatoru müşayiət edəcək.
Səfər zamanı nümayəndə heyəti Milli Məclisdə və Azərbaycan Xarici İşlər Nazirliyində görüşlər keçirəcək.