...

Qırğızıstanın həll olunmamış problemləri ölkə əhalisini yenidən ayağa qaldıra bilər – ekspertlər

Siyasət Materials 6 Oktyabr 2010 16:35 (UTC +04:00)
Qırğızıstanın qarşıdakı qışda elektrik enerjisi çatışmazlığı və ərzaq mallarının qiymətlərinin baha olması kimi həll olunmamış problemləri əhalidə ölkənin yeni hökumətindən narazılıq yarada bilər. Ekspertlər bu qənaətdədirlər.

Azərbaycan, Bakı, 6 oktyabr /Trend, müxbir V.Javoronkova/

Qırğızıstanın qarşıdakı qışda elektrik enerjisi çatışmazlığı və ərzaq mallarının qiymətlərinin baha olması kimi həll olunmamış problemləri əhalidə ölkənin yeni hökumətindən narazılıq yarada bilər. Ekspertlər bu qənaətdədirlər.

Bazar ölkəsi bu Mərkəzi Asiya ölkəsində parlament seçkiləri keçiriləcək və nəticədə artıq parlamentli Qırğızıstanın yeni hökuməti formalaşacaq. 120 deputat mandatı uğrunda 29 partiyanın nümayəndəsi mübarizə aparacaq.

Ölkədə prezident idarəetmə sisteminin parlament sistemi ilə əvəz olunması barədə qərar aprel ayında Kurmanbek Bakiyevin devrilməsindən sonra qəbul edilib. Daha sonra bu qərar iyunda ölkədə keçirilən referendumla qanuniləşdirilib.

Ekspertlər hesab edirlər ki, seçkilərdən sonra ölkədə ən qısa müddətdə yeni hökumət yaradılmalıdır və bu, Qırğızıstanda "yığılıb qalan" problemləri mümkün qədər tez həll etməlidir. Əks halda, onların fikrincə, respublika əhalisi yenidən etirazlara başlaya bilər.

"Əgər seçkilərdən sonra Qırğızıstanda hökumətin yaradılması ilə bağlı çətinlik ortaya çıxsa, qışın girməsi ilə bağlı ərzaq mallarının qiymətlərindəki artımın vəziyyəti gərginləşdirəcəyi tamamilə mümkündür", - Mərkəzi Asiya ölkələri üzrə avropalı ekspert Ben Cuda elektron poçtla Trend-ə bildirib.

Mərkəzi Asiya üzrə amerikalı ekspert Bryus Panyerin fikrincə, seçkinin özü və ondan sonrakı bir neçə həftə kifayət qədər sakit keçəcək.

"Hər halda seçkilər dinc şəraitdə keçəcək, lakin hadisələrin ondan sonra necə inkişaf edəcəyi məlum deyil", - Mərkəzi Asiya üzrə rusiyalı ekspert, MDU-nin elmi əməkdaşı Stanislav Pritçin belə hesab edir.

Onun fikrincə, hakimiyyətin vəziyyətin nəzarət altında olması ilə bağlı bəyanatlarına baxmayaraq, hələ özünü göstərə biləcək çoxlu sayda faktor var.

"Əgər koalisiya hökumətinin formalaşması prosesi yavaş gedərsə və ya parlamentdə sonsuz dava və mübahisələr baş qaldırarsa, o zaman xalqın səbri çox tez tükənə bilər", - "Azadlıq" radiosunun eksperti Panyer elektron poçtla Trend-ə bildirib.

Onun sözlərinə görə, Qırğızıstanda çoxlu sayda problemlər var ki, onlar mümkün qədər tez bir zamanda diqqət tələb edir.

Problemlərin belə uzun siyahısı, demək olar, bütün hökumətlərdə var. Lakin Panyer hesab edir ki, insanlar nəticələri gözləyərkən "həddindən artıq dözümlü" olmaya bilərlər.

"Bir çox analitiklər xəbər verirlər ki, bu qış xüsusən enerji resurslarının və ola bilsin ki, ərzaq məhsullarının tədarükü planında ağır olacaq", - ekspert bildirib.

Beynəlxalq münasibətlər üzrə Avropa Şurası Araşdırma Mərkəzinin (ECFR) eksperti Cudanın sözlərinə görə, ölkədə vəziyyətin yaxşılaşdırılması ilə bağlı namizədlər tərəfindən hələlik konkret planlar təqdim olunmayıb.

"O fakt "həyəcan təbili" çalır ki, seçkilərdə namizədliklərini irəli sürən siyasətçilər "Qorxu, yaxud təhlükəsizlik? Seç!" kimi şüarlar altında kampaniya aparırlar. Bunun əvəzində onlar Qırğızıstanın faktiki gələcəyini cızan ciddi iqtisadi planlar təklif etməlidirlər", - o deyib.

Bundan başqa, ekspertin sözlərinə görə, ölkə hökuməti əvvəlki kimi ölkənin cənubuna zəif nəzarət edir.

Cudanın sözlərinə görə, təhlükə ondan ibarətdir ki, nəticəsiz seçkilərdən sonra pis idarəetmə qarşıdakı qışda insanları [ölkənin cənub vilayətinin sakinlərini] yeni müxalifətə tərəf çəkə bilər və hadisələr eks-prezident Bakiyevin devrildiyi vaxtdakı həmin sxem üzrə inkişaf edə bilər.

Xəbər lenti

Xəbər lenti