Azərbaycan, Bakı, 23 noyabr /Trend, müxbir S.Ağayeva/
İndoneziya ilin sonunadək Azərbaycana səfirini təyin edə və diplomatik nümayəndəlik öz fəaliyyətinə başlaya bilər.
"İndoneziya ilin sonunadək Azərbaycanda öz səfirini təyin edə bilər və diplomatik nümayəndəlik öz fəaliyyətinə başlayacaq", - çərşənbə axşamı Trend-ə Azərbaycanın Cakartadakı səfirliyindən məlumat verilib.
Yaxın vaxtlarda səfirin namizədliyi İndoneziya parlamentinin hər iki palatasında baxılacaq və ölkə prezidentinə təqdim ediləcək.
İndoneziya Prezidenti dekabrda Azərbaycanda səfirliyin açılması barədə fərman verib.
Bir müddət əvvəl Azərbaycan XİN-dən verilən məlumata görə, noyabrın 10-da İndoneziyanın Azərbaycandakı müvəqqəti işlər vəkili Aqus Trimartono Azərbaycanın Xarici İşlər Nazirliyinin Dövlət Protokol İdarəsinin rəisi Pərvin Mirzəzadə ilə görüşüb və ona öz təyinatı barədə məktub təqdim edib.