Azərbaycan, Bakı, 2 iyun /Trend, müxbir K.Zərbalıyeva/
Azərbaycan Daxili İşlər Nazirliyi Daxili Qoşunlarının nümayəndə heyəti Türkiyədə Avrasiya Hərbi Statuslu Hüquq-Mühafizə Təşkilatları Qurumunun təsis toplantısında iştirak edəcək.
Hüquq-mühafizə orqanlarından Trend-ə verilən məlumatına görə, iyunun 7-dən 10-dək keçiriləcək tədbirdə Avropa və Asiyanın bir çox ölkələrinin jandarma və sərhəd qurumlarının, həmçinin müvafiq təşkilatlarının rəhbərləri iştirak edəcək.
Təsis toplantısında qurumun yaradılması, fəaliyyət istiqamətləri və s. məsələlər müzakirə olunacaq.
Məlumata görə, toplantıya Azərbaycanın bir sıra hərbi statuslu hüquq-mühafizə qurumlarının nümayəndələri də qatılacaq.