Azərbaycan, Bakı, 15 yanvar /Trend, müxbir E.Kosolapova/
Saat 12:00-a olan məlumata görə, Azərbaycanda olan Qazaxıstan vətəndaşlarının parlament seçkilərində səs verməsi üçün Qazaxıstanın Azərbaycandakı səfirliyində yaradılan 140 saylı seçki məntəqəsində seçicilərin 50 faizdən çoxu səs verib. Bunu bazar günü Trend-ə Qazaxıstanın Azərbaycandakı səfirliyinin müşaviri Dastan Suleymenov bildirib.
Qazaxıstanda Məclisə və Məsləhətə seçkilər üzrə səsvermə bu gün Astana vaxtı ilə saat 07:00-də başlayıb və 20:00-dək davam edəcək.
Trend-in məlumatına görə, seçkilərin ilkin nəticələri artıq yanvarın 16-da məlum olacaq.
Seçkilərdə "Nur Otan" Xalq-Demokratik Partiyası, "Ədalət" Partiyası, Qazaxıstan Vətənpərvərləri Partiyası, Ümummilli Sosial-Demokrat Partiyası, "Ak Jol" Partiyası, Qazaxıstan Xalq Kommunist Partiyası, "Ayıl" Sosial-Demokrat Partiyası iştirak edir.