Azərbaycan, Bakı, 6 mart /Trend, müxbir S.Ağayeva/
Venesuela hökuməti Azərbaycanda müvəqqəti işlər vəkili səviyyəsində diplomatik nümayəndəlik açmağa qərar verib. Bu barədə çərşənbə axşamı Trendə Azərbaycan XİN-in mətbuat xidmətindən məlumat verib.
Qeyd edək ki, Azərbaycan ilə Latın Amerikası ölkələri arasında münasibətlər yüksələn xətlə inkişaf etməkdədir.
Azərbaycanın Latın Amerikasında ilk səfirliyi 2010-cu ilin sonunda Argentinada fəaliyyətə başlayıb. Bir neçə gün əvvəl Argentina xarici işlər nazirinin Azərbaycana rəsmi səfəri zamanı Argentinanın Azərbaycanda səfirliyinin açılacağına dair rəsmi açıqlama verilib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
