Azərbaycan, Bakı, 30 mart /Trend/
Azərbaycan Respublikasında rəsmi səfərdə olan Qırğızıstan Prezidenti Almazbek Atambayev cümə günü Fəxri xiyabana gələrək xalqımızın ümummilli lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini ehtiramla yad edib, məzarı önünə əklil qoyub.
Ali qonaq görkəmli oftalmoloq alim, akademik Zərifə xanım Əliyevanın da xatirəsini anıb, məzarı üzərinə tər güllər düzüb.