...

Bütöv Azərbaycan Xalq Cəbhəsi Partiyasında yeni təyinat olub

Siyasət Materials 30 Aprel 2012 15:00 (UTC +04:00)
Partiyanın mətbuat xidmətindən Trend-ə daxil olan məlumata görə, Bünyamin Qəmbərli BAXCP sədri, millət vəkili Qüdrət Həsənquliyevin əmri ilə partiya sədrinin müşaviri vəzifəsinə təyin olunub
Bütöv Azərbaycan Xalq Cəbhəsi Partiyasında yeni təyinat olub

Azərbaycan, Bakı, 30 aprel /Trend, müxbir E.Mehdiyev/

Bu gün Bütöv Azərbaycan Xalq Cəbhəsi Partiyasında yeni təyinat olub.

Partiyanın mətbuat xidmətindən Trend-ə daxil olan məlumata görə, Bünyamin Qəmbərli BAXCP sədri, millət vəkili Qüdrət Həsənquliyevin əmri ilə partiya sədrinin müşaviri vəzifəsinə təyin olunub.

Bünyamin Qəmbərli 1964-cü ildə Naxçıvan Muxtar Respublikasında, Babək rayonunun Nehrəm kəndində doğulub. Azərbaycan Dövlət Bədən Tərbiyəsi və İdman Akademiyasını bitirib. 1985-1988-ci illərdə Naxçıvanda və Bakıda müəllimlik fəaliyyəti göstərib.

Azərbaycan Xalq Cəbhəsi Babək rayon şöbəsinin sədri, AXC Naxçıvan MR təşkilatı İdarə Heyətinin və AXC Ali Məclisinin üzvü olub.

1990-cı ildə Naxçıvan Muxtar Respublikası Ali Məclisinin deputatı seçilib.

Hazırda Azərbaycan Turizm İnstitutunun müəllimidir.

Xəbər lenti

Xəbər lenti