Azərbaycan, Bakı, 18 dekabr /Trend, müxbir E.Mehdiyev/
ABŞ-ın Azərbaycandakı səfiri Riçard Morninqstar bu gün müxalifət nümayəndələri ilə görüşüb.
Görüşdə iştirak edən Azərbaycan Demokrat Partiyasının sədri Sərdar Cəlaloğlu Trend-ə bildirib ki, görüş zamanı ümumi məsələlər, mövcud ictimai-siyasi vəziyyət müzakirə olunub.
Qeyd edək ki, görüşdə AXCP sədri Əli Kərimli, Müsavat başqanı İsa Qəmbər, ADP sədri Sərdar Cəlaloğlu, Ümid Partiyasının sədri İqbal Ağazadə, VHP-nin məclis sədri Rafiq Manaflı, ReAL hərəkatından Erkin Qədirli və Ziyalılar Forumunun üzvü Mehriban Vəzir iştirak ediblər.