Azərbaycan Prezidenti və xanımı Sumqayıt şəhərinə gəliblər (FOTO)

Azərbaycan, Bakı, 24 dekabr /Trend/

Dekabrın 24-də Azərbaycan Prezidenti İlham Əliyev və xanımı Mehriban Əliyeva Sumqayıt şəhərinə gəliblər.

Dövlətimizin başçısı və xanımı xalqımızın ümummilli lideri Heydər Əliyevin Sumqayıt şəhərinin mərkəzində ucaldılmış abidəsini ziyarət edərək önünə gül dəstəsi qoydular.

Prezident İlham Əliyevə ölkəmizin ən iri sənaye mərkəzlərindən biri olan Sumqayıt şəhərinin sosial-iqtisadi inkişafı ilə bağlı görülən işlər barədə məlumat verildi.