Azərbaycan, Bakı, 5 may /Trend/
Türkiyənin Xarici İşlər Nazirliyi Türkiyə və bəzi ərəb ölkələrinin İsrail ilə birgə İranın raketlərinə qarşı müdafiə sistemi quracağı barədə yayılan xəbərləri təkzib edib.
Trend "Anadolu" agentliyinə istinadən məlumat verir ki, XİN-in mətbuat katibi Levent Gömrükçü İngiltərə qəzetində dərc olunan xəbərin həqiqətəuyğun olmadığını bildirib.
Qeyd edək ki, İngiltərənin "Sunday Times" qəzeti İsrailin Türkiyə, İordaniya, Birləşmiş Ərəb Əmirlikləri və Səudiyyə Ərəbistanı ilə birgə İranın ballistik raketlərinə qarşı müdafiə sistemi qurmaq için əməkdaşlığa hazırlaşdığı qeyd olunub.