...

YUNESKO və NATO rəsmiləri II Ümumdünya Mədəniyyətlərarası Dialoq Forumunda iştirak edəcəklər

Siyasət Materials 23 May 2013 16:28 (UTC +04:00)
YUNESKO-nun baş direktoru, NATO baş katibinin müavini, Ümumdünya Turizm Təşkilatının Yaxın və Orta Şərq üzrə regional direktoru Bakıda keçiriləcək II Ümumdünya Mədəniyyətlərarası Dialoq Forumunda iştirak edəcək.
YUNESKO və NATO rəsmiləri II Ümumdünya Mədəniyyətlərarası Dialoq Forumunda iştirak edəcəklər

Azərbaycan, Bakı, 23 may /Trend, müxbir İ.İsabalayeva/

YUNESKO-nun baş direktoru, NATO baş katibinin müavini, Ümumdünya Turizm Təşkilatının Yaxın və Orta Şərq üzrə regional direktoru Bakıda keçiriləcək II Ümumdünya Mədəniyyətlərarası Dialoq Forumunda iştirak edəcək.

Trend-in Mədəniyyət və Turizm Nazirliyinin rəsmi saytına istinadən verdiyi məlumata görə, Azərbaycan Prezidenti İlham Əliyevin himayəsi ilə "Çoxmədəniyyətli dünyada sülh şəraitində birgə yaşama" şüarı altında bu il 29 may-1 iyun tarixlərində Bakıda II Ümumdünya Mədəniyyətlərarası Dialoq Forumu keçiriləcək. Forumun əsas tərəfdaşları qismində YUNESKO, BMT-nin Sivilizasiyalar Alyansı, Avropa Şurası, Avropa Şurasının Şimal-Cənub Mərkəzi, İSESKO, BMT-nin Dünya Turizm Təşkilatı çıxış edir.

Forum çərçivəsində Azərbaycanın Şərqlə Qərbin, müxtəlif mədəniyyətlərin kəsişməsində yerləşməsi nəzərə alınaraq ilk dəfə Dünya Forumu Nazirlər Konfransı keçiriləcək.

Forumda beynəlxalq qurumların rəhbərləri, o cümlədən YUNESKO-nun baş direktoru İrina Bokova, NATO Baş Katibinin müavini Kolinda Qrabar-Kitaroviç, Ümumdünya Turizm Təşkilatının (ÜTT) Yaxın və Orta Şərq üzrə regional direktoru Əmr Əbdül Qafar, bir neçə ölkənin hazırkı və keçmiş prezidentləri, dünyanın 100-dən çox ölkəsindən nazirlər, ekspertlər, beyin mərkəzlərinin rəhbərləri, alimlər və mədəniyyətlərarası dialoqla məşğul olan mərkəzlərin yüksək səviyyəli nümayəndələri iştirak edəcəklər.

Qeyd edək ki, Azərbaycan Prezidenti İlham Əliyevin 2011-ci ilin 27 may tarixində imzaladığı sərəncamı ilə Forum hər iki ildə bir dəfə Bakıda keçirilir. Tədbirin əlaqələndirici qurumu kimi Mədəniyyət və Turizm Nazirliyi təyin edilib.

Məqalədə:
Xəbər lenti

Xəbər lenti