Azərbaycan, Bakı, 21 iyun /Trend, müxbir M.Əliyev/
Avropa Parlamentinin qəbul etdiyi qətnamə məqsədli formada Azərbaycan reallıqlarını təhrif edib.
Trend-in məlumatına görə, bunu Yeni Azərbaycan Partiyasının sədr müavini-icra katibi Əli Əhmədov Milli Məclisin cümə günü növbədənkənar iclasında Avropa Parlamentinin 13 iyun tarixli qətynaməsinə münasibət bildirərkən deyib:
"Bu sənəd hüquqi baxımdan qüsurludur və absurddur".
Əhmədov qeyd edib ki, sənəd kiçik deputat qrupu tərəfindən qəbul edildiyindən bütövlükdə Avropa Parlamentinin sənədi kimi qəbul olunmamalıdır:
"Qətnamə diplomatik baxımdan da qüsurlu olduğundan müstəqil ölkəyə qarşı bu cür təhrif dolu sənədin qəbul edilməsi yolverilməzdir".