Azərbaycan, Bakı, 4 sentyabr /Trend/
Avropa ittifaqı (Aİ) rəsmi Yerevandan Ermənistanın Rusiyanın təşəbbüs göstərdiyi Gömrük İttifaqına daxil olması məsələsinə aydınlıq gətirməsini gözləyir. Trend-in Ermənistan KİV-ə istinadən məlumat verir ki, bunu Aİ-nin xarici əlaqələr və təhlükəsizlik siyasəti üzrə ali nümayəndəsi Ketrin Eştonun nümayəndəsi deyib.
K.Eştonun mətbuat katibi Mayya Kosyançiç Brüsseldə jurnalistlərə açıqlamasında bildirib: "Biz Ermənistandan izahat gözləyirik və bundan sonra bu hadisənin hansı nəticələrə gətirib çıxaracağını qiymətləndirə biləcəyik".