Azərbaycan, Bakı, 30 dekabr/Trend, müxbir S. Ağayeva/
Pakistan hökumətinin nümayəndə heyəti III Bakı Humanitar Forumunda iştirak edəcək. Bu barədə çərşənbə günü Trend-ə Azərbaycanın Pakistandakı səfiri Daşqın Şikarov deyib.
Nümayəndə heyətinə Belucistan əyalətinin Baş naziri Əbdül Bəloc rəhbərlik edəcək.
Səfirin sözlərinə görə, nümayəndə heyətinin tərkibinə Pakistan Milli Assambleyasının üzvləri, ölkə parlamentinin keçmiş vitse-spikeri, bəzi universistetlərin rektorları, ictimai xadimlər daxil olacaq.
Forum oktyabrın 31-dən noyabrın 1-dək davam edəcək. Forumda 100-dən artıq ölkədən qonaqların iştirakı gözlənilir.
Forum çərçivəsində 8 istiqamət üzrə dəyirmi masalar təşkil olunacaq: "Texnologiyaların konvergensiyası və gələcəyin konturları", "XXI əsrin əsas çağırışları", "İqtisadi inkişafın humanitar aspektləri", "Elmi innovasiyalar və onların təhsil mühitinə transferi", "Multikulturalizm və özgünlük: cəmiyyətdə dəyər konsensusu axtarışında", "Postmodern dövrdə milli özünüdərk", "Davamlı inkişaf və ekoloji sivilizasiya", "Molekulyar biologiya və biotexnologiyanın nailiyyətləri: nəzəriyyədən təcrübəyə", "Qloballaşan informasiya məkanında medianın aktual məsələləri".