Azərbaycan, Bakı, 2 noyabr /Trend, müxbir T.Cəfərov/
Türkiyənin Baş naziri Rəcəb Tayyib Ərdoğan 2014-cü ilin yanvar ayında İrana səfər edəcək. Trend-in İran KİV-lərinə istinadən verdiyi məlumata görə, bunu İranın xarici işlər naziri Məhəmməd Cavad Zərif deyib.
M.C.Zərif öz "facebook" səhifəsində Ankarada R.T.Ərdoğanla görüşünün müsbət ab-havada keçdiyini bildirib:
"Görüş zamanı Baş nazirin ikitərəfli əlaqələrin inkişaf etdirilməsi məqsədilə yanvar ayında İrana səfəri ilə bağlı razılıq əldə olunub".