Azərbaycan, Bakı, 19 avqust /Trend, müxbir Səbinə Əhmədova/
ABŞ Dövlət Departamentinin vizaların verilməsi prosesində yaranan problem artıq aradan qaldırılıb. Bunu Trend-ə ABŞ-ın Azərbaycandakı səfirliyindən bildiriblər.
Səfirliyinin məlumatına görə, viza verilmə prosesi tam qaydada bərpa olunub.
Qeyd edək ki, ABŞ bütün dünyada viza verilməsi prosesinin dayandırılmışdı və bunun da ABŞ-ın pasport-viza sistemindəki texniki nasazlıqla bağlı olduğunu bildirmişdi.
ABŞ-ın ölkəmizdəki səfirliyindən öncə Trend-ə viza verilməsi prosesinin dayandırılmasını şərh edərək bildirmişdilər ki, viza verilməsi prosesinin dayandırılması Azərbaycan da daxil olmaqla qlobal texniki problemdir və bu problem artıq həll olunmaq üzrədir.
Səbəb kimi ABŞ-ın pasport-viza sistemindəki texniki nasazlıq göstərilirdi. Bu problem qlobal xarakter daşıyırd, hər hansı ölkədən və ya viza kateqoriyasından asılı deyil idi.