Azərbaycan, Bakı, 9 iyun /Trend/
Azərbaycanın ölkədə ATƏT əlaqələndiricisinin ofisinin bağlanması haqqında qərarı haqlıdır.
Trend-in TASS agentliyinə istinadən verdiyi məlumata əsasən, bunu Rusiyanın ATƏT yanında daimi nümayəndəsi Andrey Kelin Bakının bu qərarını şərh edərkən deyib.
O, qeyd edib: "Hesab edirik ki, Azərbaycanın bu addımı haqlıdır, çünki ölkənin ATƏT tərəfindən hansı yardım almaq istəməsi ilə bağlı qərar vermək hüququ var".
Xatırladaq ki, Azərbaycan ötən gün ATƏT-in Daimi Şurasının iclasında təşkilatın Avropada təhlükəsizlik və əməkdaşlıq üzrə katibliyini ölkədə layihə əlaqələndiricisinin ofisinin bağlanması qərarı barədə məlumatlandırıb.