Rəsmi Bakı İranın XİN-ə müraciət etdi

Azərbaycan, Bakı, 18 avqust /Trend, müxbir Səba Ağayeva/

İtkin düşən balıqçılarla bağlı Azərbaycanın İrandakı Səfirliyi bu ölkənin Xarici İşlər Nazirliyinə müraciət edib. Bu barədə Trend-ə Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev deyib.

H.Hacıyev bildirib ki, XİN-in təlimatı əsasında İrandakı səfirliyimiz bu ölkənin Xarici İşlər Nazirliyinə müraciət edib və hazırda araşdırma aparılır.

Qeyd edək ki, avqustun 10-da Xəzərdə itkin düşmüş 4 neftçalalı balıqçı tapılıb. Onlar İran İslam Respublikasının Sərhəd Xidmətinin əməkdaşları tərəfindən saxlanılıblarmış və hazırda İrandadırlar.