...

Cavid Qurbanov: Seçki tam şəffaf şəraitdə keçir (FOTO)

Siyasət Materials 11 Aprel 2018 12:01 (UTC +04:00)
“Azərbaycan Dəmir Yolları” QSC-nin sədri Cavid Qurbanov prezident seçkilərində səsvermədə iştirak edib.
Cavid Qurbanov: Seçki tam şəffaf şəraitdə keçir (FOTO)

Bakı. Trend:

“Azərbaycan Dəmir Yolları” QSC-nin sədri Cavid Qurbanov prezident seçkilərində səsvermədə iştirak edib.

Trend-in məlumatına görə, o, 18 saylı Nərimanov-Nizami seçki dairəsinin 15 saylı seçki məntəqəsində səs verib.

C. Qurbanov bildirib ki, seçki tam şəffaf şəraitdə keçir və xalqımız öz iradəsini sərbəst şəkildə ifadə edir.

Qeyd edək ki, bu gün Azərbaycanda prezident seçkiləri keçirilir. Prezident seçkilərində 8 nəfərin namizədliyi qeydə alınıb. Onlardan 6 nəfərin namizədliyi siyasi partiyalar tərəfindən, bir nəfərin namizədliyi öz təşəbbüsü ilə, bir nəfərin namizədliyi isə təşəbbüs qrupu tərəfindən irəli sürülüb.

Səsvermə günü respublikada 125 seçki dairəsi üzrə 5426 daimi və 215 müvəqqəti seçki məntəqəsi fəaliyyət göstərir. Səsvermə prosesini gün ərzində Mərkəzi Seçki Komissiyasının saytından da izləmək mümkündür. Belə ki, 119 seçki dairəsi üzrə 1000 seçki məntəqəsində veb-kameralar quraşdırılıb.

Seçkiləri 894 beynəlxalq (61 təşkilat, 59 ölkə), 58 175 yerli müşahidəçi izləyir.

Prezident seçkilərində səsvermə saat 19:00-da sona çatacaq. Hazırkı məlumata əsasən, Azərbaycanda 5 milyon 314 min 365 nəfər səsvermə hüququ olan şəxs var, onlardan 50.78 faizini qadınlar, 49.22 faizi isə kişilər təşkil edir.

Saat 10:00-a olan məlumata görə, prezident seçkilərində respublika üzrə seçicilərin 18,71 faizi, yəni 994 196 seçici səs verib.

Məqalədə:
Xəbər lenti

Xəbər lenti