...

Ermənistanın Azərbaycanda yaşayış məntəqələrinə hücumu bəşəriyyətə qarşı atılan addımdır - Hikmət Hacıyev

Siyasət Materials 28 Oktyabr 2020 14:38 (UTC +04:00)
Ermənistanın Azərbaycanda yaşayış məntəqələrinə hücumu bəşəriyyətə qarşı atılan addımdır - Hikmət Hacıyev

Bakı. Samir Əli - Trend:

Ermənistan silahlı qüvvələrinin Azərbaycanın dinc yaşayış məntəqələrinə təcavüxzü davam edir.

Trend-in məlumatına görə, bunu Azərbaycan Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev deyib. O bildirib ki, Ermənistan hərbi birləşmələri Azərbaycanın Gəncə şəhəri, Bərdə və digər rayonlarında dinc sakinləri atəşə tutur: "Dünən Bərdə rayonuna atılan raket nəticəsində biri uşaq olmaqla 4 nəfər həlak olub, 14 nəfər mülki şəxs yaralanıb. Bu gün Ermənistanın daha bir terrorunun şahidi olduq. Onlar Bərdədə dinc sakinləri yenidən atəşə tutublar. Əsasən şəhərin mərkəzinə raket zərbələri endirilib, ölən və yaralananlar var. Bu dünya bəşəriyyətinə qarşı atılan addımdır".

H.Hacıyev deyib ki, Ermənistan tərəfi həmçinin dünyanın mədəni irsinə də təcavüz edir. Beynəlxalq humanitar hüquq normalarında da birmənalı olaraq mədəni irsin qorunmasına dair müddəalar var. Ermənistan bu müddəaları da pozur. Biz ümumiyyətlə mədəni irsə qəsdin şahidi oluruq. Ermənistanın davam edən işğalı insanları dünyasını dəyişən qohumlarını ziyarət etməsinə də imkan vermir. Qəbiristanlıqlar, qəbirüstü abidələr atəşə tutulur, dağıdılır. Ermənistan işğal olunan ərazilərdə də mədəni irsi abidələri məhv edib. Şuşadakı məscidin dağıdılması bunun bariz nümunəsidir. Müqəddəs məbədlərdə mal-qara saxlayan Ermənistan təkcə insanlara deyil, həm də mədəni irsə təcavüz edir. Münaqişə başlayandan indiyə kimi Azərbaycan YUNESCO-nun mədəni abidələrinin qorunması müddəlarına sahib çıxır, ona əməl edir. Mədəni abidələrin qəsdən dağıdılması cinayətdir. Hazırda Azərbaycan Silahlı Qüvvələri sülhməramlı niyyətini həyata keçirir, sülhün bərqərar olunmasını istəyir. Ermənistan isə təcavüzünü davam etdirməkdədir. Füzzuli, Cəbrayıl, Zəngilan və digər işğaldan azad olunan ərazilərdə biz bu faktların şahidi olmuşuq. Dini abidələrdə mal-qara saxlamaq da bir qəsddir".

Prezidentin köməkçisi bildirib ki, Gəncə şəhərindəki məbəd də Ermənistan tərəfindən dağıntıya məruz qalıb: "Bunu təəssüf hissi ilə qeyd edirik və bunu dünya ictimaiyyətinin diqqətini çatdırırıq. Azərbaycan tərəfindən heç bir mədəni-irsi abidə dağıdılmayıb. Əksinə həmin abidələrin qorunması üçün əlimizdən gələni əsirgəmirik. Əgər bu davam edərsə, Ermənistan daha çox abidənin dağıdılmasına səbəb olacaq".

Məqalədə:
Xəbər lenti

Xəbər lenti