Bakı. Trend:
Ermənistan sərhəddə təxribatlarla sülh prosesini pozmağa çalışır.
Trend-in məlumatına görə, bu barədə Azərbaycanın BMT yanında daimi nümayəndəsi Yaşar Əliyev Nyu-Yorkda BMT Təhlükəsizlik Şurasının iclasında deyib.
O qeyd edib ki, Ermənistan silahlı qüvvələrinin diversiya qrupları Azərbaycan ordusunun bölmələrinin mövqeləri arasındakı əraziləri və təchizat yollarını minalamağa cəhd ediblər:
"Azərbaycan isə öz növbəsində Ermənistanın təxribatına cavab olaraq adekvat tədbirlər görüb”.
Y.Əliyev bildirib ki, təəssüf ki, Ermənistan nümayəndəsinin bəyanatları münasibətləri yaxşılaşdırmaq istəmədiyini göstərir:
"Azərbaycana qarşı təcavüz edən və 30 ildir ölkə ərazisini işğal edən Ermənistan indi özünün illərlə pozduğu norma və prinsiplərdən danışır".