Bakı. Trend:
Avropa İttifaqının (Aİ) Azərbaycan kimi tərəfdaşlara ehtiyacı var.
Trend-in məlumatına görə, bunu bu gün ADA Universiteti nəzdində İnkişaf və Siyasət İnstitutunun Araşdırmalar siyasətinin təhlili şöbəsinin direktoru Damyan Krneviç "Aİ-nin Cənubi Qafqaza və Şərq tərəfdaşlığına gələcək yanaşması" adlı panel müzakirələrdə deyib.
"Bu gün Aİ başa düşür ki, İttifaqın hüdudlarından kənarda əməkdaşlığı genişləndirmək lazımdır və Azərbaycan bu baxımdan başlıca tərəfdaşlardandır", - deyə o bildirib.
Onun sözlərinə görə, Azərbaycan Aİ ilə 2017-ci ildən bəri davam edən hərtərəfli sazişlə bağlı danışıqları keyfiyyətcə yeni səviyyəyə çıxarıb.
D.Krneviç qeyd edib ki, Aİ-nin Azərbaycanla Ermənistan arasında sülh prosesi, o cümlədən, sərhədlərin delimitasiyası prosesində vasitəçilik rolu da çox vacibdir.
"Əgər Aİ Azərbaycan qarşısında bu öhdəlikləri yerinə yetirməsə, bütün Cənubi Qafqazda öz təsirini itirəcək", - o deyib.
(Tərcümə: Orxan Nəbiyev)