Bakı. Trend:
İranın qonşularla, o cümlədən Azərbaycanla münasibətləri qarşılıqlı hörmət prinsipinə əsaslanır.
Trend-in məlumatına görə, bunu İran Xarici İşlər Nazirliyinin (XİN) mətbuat katibi Nasir Kənani bu gün Tehranda keçirilən brifinqdə deyib.
N.Kənaninin sözlərinə görə, İran qonşu ölkələrlə əməkdaşlıq məsələlərinə önəm verir.
“İranın Azərbaycanla münasibətlərdə siyasəti birgə fəaliyyət nüanslarına diqqət yetirmək və ixtilaflı məsələlərdən çəkinməkdir. Son vaxtlar Azərbaycanla ikitərəfli münasibətlərdə müsbət mesajlar almışıq”, - deyə o qeyd edib.