...

QAT Minsk qrupu həmsədrlərinin regiona gözlənilən səfərinə etiraz edir

Siyasət Materials 6 Dekabr 2005 15:14 (UTC +04:00)

"ATƏT-in fəaliyyətdə olan sədri Dmirtri Rupel, həmçinin, Minsk qrupunun həmsədrləri Qarabağ münaqişəsinə dair gələn il ciddi nəticələrin əldə olunacağı ilə bağlı mənasız bəyanatlarla kifayətləndilər. Bir daha bəyan edirik ki, bu mövqelərin təkrar-təkrar səsləndirilməsi, müxtəlif səviyyəli görüşlərin keçirilməsi birmənalı şəkildə işğalçı Ermənistanın zəbt olunmuş ərazilərdə möhkəmlənməsinə xidmət edir". Trend in məlumatına görə, bu fikirlər Qarabağ Azadlıq Təşkilatının (QAT) dekabrın 6-da yaydığı bəyanatındandır.

QAT Minsk qrupu həmsədrlərinin Lyublyanada Azərbaycan və Ermənistan xarici işlər nazirləri ilə görüşlərinin nəticə vermədiyini bildirib. Təşkilat hesab edir ki, danışıqların getdiyi hər bir gün Ermənistanın işğalçı ordusunu gücləndirməsinə, Rusiyadan əlavə silah və texnika alaraq daha həyasız mövqedən çıxış etməsinə şərait yaradır.

"Qarabağ Azadlıq Təşkilatı hesab edir ki, Minsk Qrupu həmsədrləri danışıqları təcavüzkar Ermənistanın əməllərinə qiymət verilməsi, bu təcavüzün aradan qaldırılması istiqamətində aparmalıdır. Əks halda danışıqların aparılmasına, regiona səfərlərə heç bir ehtiyac yoxdur. Biz Minsk qrupu həmsədrlərinin regiona gözlənilən səfərinin qarşısı almaq üçün bütün vasitələrdən istifadə edəcəyik"-deyə bəyanatda vurğulanır.

Xəbər lenti

Xəbər lenti