Naxçıvan Muxtar Respkblikası ərazisindəki tarixi abidələri qorumaq üçün onların pasportlaşdırılması işinə sərəncam verilib. NMR zəngin tarixə malikdir. Burada tapılmış maddi mədəniyyət nümunələri qədim daş dövründən başlayaraq bu yurdun ilkin sivilizasiyalı yaşayış məskənlərindən biri olduğunu sübut edir.
Bu abidələri yenidən və əsaslı şəkildə tədqiq etmək, öyrənmək, siyahıya almaq, bərpa etmək və gələcək nəsillərə çatdırmaq üçün NMR ərazisindəki tarixi və mədəniyyət abidələrinin qorunması və pasportlaşdırılması işinin təşkili məqsədilə komissiya yaradılıb. Komissiyanın sədri NMR Ali Məclisinin sədri Vasif Talıbovdur. Komissiya 2006-cı ilin sonunadək tarix və mədəniyyət abidələrinin pasportlaşdırılmasını təmin edəcək.
NMR-in şəhər və rayon icra hakimiyyətlərinə muxtar respublika ərazisindəki tarixi və mədəniyyət abidlərinin qorunmasını təmin etmək tapşırılıb.
