ABŞ Ədliyyə Nazirliyi tərəfindən "Dağlıq Qarabağ Respublikası"nın nümayəndəliyinin QHT kimi qeydiyyata alınması məsələsinin Milli Məclisdə müzakirə edilməsinə çalışacağıq. Bu barədə Trend ə Böyük Quruluş Partiyasının sədri, millət vəkili Fazil Qəzənfəroğlu bildirib.
Millət vəkili onu da qeyd edib ki, məlum məsələ Dağlıq Qarabağ problemnin həllinə heç bir təsir göstərməyəcək: "Ancaq parlamentin növbəti iclasında bu məsələ müxalifət deputat qrupunun üzvləri tərəfindən qaldırılacaq və ABŞ-ın Azərbaycana qarşı tutduğu belə mövqeyi pisləniləcək".
F.Qəzənfəroğlu onu da bildirib ki, parlamentlə yanaşı Ədliyyə Nazirliyi və Xarici İşlər Nazirliyi də bu məsələyə öz münasibətini bildirməli və ABŞ-ın müvafiq dövlət qurumlarına etiraz etməlidirlər.