Yaxın vaxtlarda Bakı ərazisində dəmiryolu vağzalından Fizuli meydanına qədər istirahət parkı inşa ediləcək. Trend in xəbərinə görə, bu barədə Bakı şəhər İcra Hakimiyyətinin başçısı Hacıbala Abutalıbov məlumat verib.
H.Abutalıbov bildirib ki, parkın inşası ilə əlaqədar Fizuli və Ş.Bədəlbəyli küçələrindəki mənzillərin sakinləri köçürüləcək və həmin evlər söküləcək. Park mərhum prezident Heydər Əliyevin adını daşıyacaq.
"İnşa ediləcək istirahət obyektinin layihəsi tam hazırdır. Parkın inşası ilə əlaqədar Bakı Şəhər İcra Hakimiyyəti artıq bir sıra işlər görməyə başlayıb. Yaxın vaxtlarda isə bu işləri intensivləşdirəcəyik" - deyə H.Abutalıbov qeyd edib.