Qars-Axalkalaki-Tbilisi-Bakı dəmir yolu layihəsi çərçivəsində Azərbaycan, Gürcüstan və Türkiyə ekspertlərinin görüşü zamanı iyun ayında bu ölkələrin nəqliyyat nazirlərinin görüşünü təşkil etmək haqqında qərar qəbul edilib. Bu barədə, Trend agentliyinin məlumatına əsasən, nəqliyyat naziri Ziya Məmmədov bildirib.
Nazirlər hökumət rəhbərlərinə təqdim olunacaq layihənin son variantını qəbul edəcək. Hazırda texniki-iqtisadi əsaslandırmanın üç variantı var. Layihənin orta dəyəri təxminən $400 mln. təşkil edir. Lakin Gürcüstan layihə üzrə iradlarını bildirmək istəyir. Bunun mahiyyəti nazirlərin görüşündən sonra məlum olacaq.