"AGAT" (Armenia, Georgia, Azerbaijan, Turkey) yeni regional təhlükəsizlik və əməkdaşlıq layihəsi Qara dəniz ölkələrinin beynəlxalq ekspertlər qrupunun görüşündə nəzərdən keçiriləcək. Ekspertlər regionun təhlükəsizlik sistemi, münaqişələrin həlli və regional əməkdaşlığa konseptual yanaşmaları müzakirə edəcək. Trend in Gürcüstandakı xüsusi müxbirinin xəbər verdiyi kimi, görüş mayın 19-da Tiflisdə "Şeraton Metexi Palas" mehmanxanasında keçiriləcək. Görüşün yekunları üzrə isə brifinq təşkil olunacaq.
Görüşdə Cənubi Qafqaz Regional Təhlükəsizlik İnstitutunun icraçı direktoru Aleksandr Rusetski sədrilk edəcək. O, "Qara dəniz regionunun təhlükəsizliyinin iki tərəfi və Abxaziyada münaqişənin nizamlanması ilə bağlı tövsiyələr" mövzusunda məruzə oxuyacaq. Konfrans iştirakçılarını Gürcüstanan xarici işlər nazirinin müavini Giorgi Mancaqaladze, 1-ci müavini Valeri Çeçelaşvili, "Fridrix Ebert Fondu"nun direktoru İya Tikanadze salamlayacaq.
Görüş iştirakçıları, həmçinin, 22-23 mayda Kiyevdə keçiriləcək GUAM sammti iştirakçıları üçün tövsiyələr də hazırlayacaq.
""AGAT" təşəbbüsü regional təhlükəsizlik sahəsində yeni sözdür, bu format Cənubi Qafqaz ölkələrinin Avropa Birliyinə inteqrasiyasına imkan verir",- deyə "Cənubi Qafqaz ölkələrinin regional təhlükəsizlik institutu" görüşünün təşkilatçıları bildirib.
