Bu yaxınlarda Naxçıvan Muxtar Respublikası avtomobil yolları Dövlət şirkətinə 14 ədəd yeni maşın və texnika verilib. Texnikaya baxış zamanı NMR Ali məclisin sədri sosial-iqtisadi inkişafın indiki mərhələsində yol-nəqliyyat kompleksinin yenidən qurulmasının zəruri olduğunu bildirib. Bu işləri isə texnikasız yerinə yetirmək mümkün deyil. Gətirilən texnika ilə tədbirdə iştirak edənləri NMR avtomobil yolları Dövlət şirkətinin baş direktoru Musa Nəcəfov tanış edib, bu texnika ilə görüləcək işləri barədə danışıb.
Gətirilmiş maşın və texnika ən müasir tələblərə cavab verən 6 ədəd Amerika məşəli, Türkiyə istehsalı olan yükünü özüboşaldan "Ford" markalı yük avtomaşını, 1 ədəd Yaponiya istehsalı olan avtoyükləyici, iki ədəd ekskavator, 2 ədəd avtoqreyver, 2 ədəd avtovərdənə, 1 ədəd "BP-75" markalı buldozerdən ibarətdir.
Ali məclisin sədri "Avtoyol" şirkətini yeni texnika münasibətilə təbrik edib və əməkdaşlara işlərində uğurlar arzulayıb.
