Milli Məclisin sədri Oqtay Əsədov cari ilin payızında Rumıniyaya rəsmi səfər edəcək. Bu barədə Trend ə diplomatik mənbələrdən xəbər verilib.
Səfər zamanı Azərbaycan və Rumıniya qanunverici orqanları arasında, eləcə də beynəlxalq qurumlar çərçivəsində ikitərəfli əməkdaşlığın perspektivlərini müzakirə etmək planlaşdırılır. Qeyd edək ki, iyunda parlamentlərarası dostluq qrupunun Buxarestə səfəri təşkil edilmişdi.