2007-ci ildə ABŞ-ın Beynəlxalq İnkişaf üzrə Agentliyi (USAID) Azərbaycan parlamenti ilə sıx əməkdaşlıq etmək niyyətindədir. Bu barədə Trend ə eksklüziv olaraq USAİD-in Azərbaycan üzrə əlaqələndiricisi Ceyms Qoqqin məlumat verib.
Onun sözlərinə görə, USAID-ə parlamentin sistemini öyrənmək və treninqlərin təşkilində kömək etmək təklif edilib. Bu proqramda məqsəd ölkə hökuməti tərəfindən siyasi kursun formalaşdırılması və həyata keçirilməsində parlamentin iştirakını fəallaşdırmaqdan ibarətdir.
O xatırladıb ki, USAID beynəlxalq təşkilatı Azərbaycanda bu sahələrdə fəaliyyət göstərir: iqtisadiyyat, demokratikləşmə, vətəndaş cəmiyyəti və səhiyyə. Məktəblilərlə iş Azərbaycan Gənclərinin Nailiyyətləri Təşkilatı ilə birgə gerçəkləşdirilən əsas iqtisadi proqramdır.
Əlaqələndirici onu da vurğulayıb ki, təşkilat əsasən, Maliyyə, İqtisadi İnkişaf və Kənd Təsərrüfatı nazirlikləri, o cümlədən Milli Bankla işləyir.