Misir hökuməti iqtisadi əməkdaşlığa dair hökumətlərarası komissiyanın növbəti iclasının gələn ilin əvvəlində keçirilməsini təklif edir. Bu barədə Trend ə Misirin Azərbaycandakı səfirliyindən məlumat veriblər.
Səfirlikdən bildiriblər ki, Misir tərəfinin təklifi Azərbaycan hökumətinə çatdırılıb və cavab gözlənilir. Hökumətlərarası komissiyanın III iclasının Bakıda keçirilməsi planlaşdırılır, əvvəlki iclas Qahirədə keçirilib.
Xatırladaq ki, Azərbaycan tərəfindən komissiyanın həmsədrləri Azərbaycanın iqtisadi inkişaf naziri Heydər Babayev, Misir tərəfindən isə xarici əlaqələr üzrə nazir xanım Faizə Əbul Naqadır.
