Naxçıvan MR Əhalisinin sayı artaraq 380 min 170 nəfər olub. Bu barədə Trend in Naxçıvan Bürosu xəbər verir.
Ötən il regionda əhalinin sayı 2005-ci ilə nisbətən 3 min 810 nəfər artıb. 2006-cı ildə həm də doğulanların sayı da artarıq 6371 nəfər olub.
Muxtar Respublikada həyata keçirilən islahatların nəticəsi olaraq regionu tərk etmiş vətəndaşların geri qayıtma hallarına daha çox rast gəlinib. Ümumiyyətlə, son 3 ildə Naxçıvandan gedən 2059 ailə və ya 9516 nəfər Muxtar Respublikaya geri qayıdıb ki, buna da daha çox yeni müəssisələrin işə salınması nəticəsində yaradılan iş yerləri səbəb olub.
