Güclü küləyin əsməsi nəticəsində Ağdam rayonu ərazisində salınmış qəsəbədə yeni tikilən evlərin dağılmış dam örtükləri, elektrik xətləri və dirəklər bu gün səhər saatlarından təmir olunmağa başlanılıb. Ağdam rayon İcra başçısının birinci müavini Çinqiz Quliyevin Trend in bölgə müxbirinə verdiyi məlumata görə, qəsəbədə evlərin tikintisini aparan şirkətlər evlərin yenidən təmirini öz hesablarına həyata keçirir. Ç.Quliyev onu da qeyd etdi ki, İcra hakimiyyəti tərəfindən yaradılmış Fövqalada Komissiya rayona dəymiş ziyanın məbləğini hesablayır. Bu gün günün ikinci yarısında son və dəqiq məlumatlar aşkarlanacaq, rayona dəyən ziyanın miqdarı bəlli olacaq.
...