Romada Azərbaycan və İtaliya arasında hərbi-siyasi məsləhətləşmələr davam edir. Bu barədə Trend ə Azərbaycanın İtaliyadakı səfirliyindən bildirilib. Məsləhətləşmələr Azərbaycan xarici işlər nazirinin müavini Araz Əzimovun rəhərlik etdiyi nümayəndə heyətinin iştirakı ilə keçirilir.
Diplomatik missiyanın məlumatına görə, məsləhətləşmələr İtaliyanın xarici işlər nazirliyində aparılır. O cümlədən ikitərəfli, region və beynəlxalq xarakterli məsələlər barədə fikir mübadiləsi aparılıb.
Səfər çərçivəsində Azərbaycan nümayəndə heytənin həmçinin İtaliya parlamentilə görüşü keçiriləcək. O cümlədən, xarici əlaqələr və müdafiə, Avropa Birliyi ilə əməkdaşlıq üzrə parlament komissiyalarının rəhbərləri və beynəlxalq təşkilatların nümayəndələri ilə danışıqlar aparılacaq. Səfər çərçivəsində beynəlxalq fikrin formalaşdırılması şöbəsi tərəfindən təşkil olunmuş tədbirdə də iştirak planlaşdırılıb.
