Azərbaycan, Bakı / Trend müxbir İ.Əlizadə/ ABŞ-da mühacirətdə yaşayan eks-spiker Rəsul Quliyevin rəhbərliyi ilə yaradılan "Azərbaycanda Demokratiya Uğurunda" Beynəlxalq Cəmiyyətin təsis konfransı təxirə salınıb. Bu barədə məlumat verən "Azərbaycanda Demokratiya Uğurunda" Beynəlxalq Cəmiyyətin Bakı bürosun təmsilçisi, "Bakı -xəbər" qəzetinin baş redaktoru Aydın Quliyev bildirib ki, təsis konfransının təxirə salınması Azərbaycan Demokrat Partiyasında (ADP) baş verən proseslərlə bağlıdır.
"Təsis konfransına hazırlıq işləri davam etdirilir. Lakin tədbir ADP-nin qurultayından sonra keçiriləcək", -deyə A.Quliyev əlavə edib.
Onun sözlərinə görə, təsis konfransının keçiriləcəyi tarix müəyyənləşdirilməyib.
"Azərbaycanda Demokratiya Uğurunda" Beynəlxalq Cəmiyyətin təsis konfransının mart ayında Almaniyada keçirilməsi nəzərdə tutulurdu.