Azərbaycan, Bakı / Trend müxbir İ.Əlizadə/ Milli Məclisin İqtisadi siyasət daimi komissiyasında hazırlanan "Daxili audit haqqında" qanun layihəsi 1-ci oxunuşdan sonra təkmilləşdirilib və yaxın günlərdə 2-ci oxunuşa təqdim olunacaq. Bu barədə parlamentin İqtisadi siyasət daimi komissiyasından məlumat verilib.
Ədliyyə, Maliyyə və İqtisadi İnkişaf nazirliklərinin, Milli Bankın qanun layihəsi ilə bağlı təklifləri nəzərə alınıb.
5 fəsil, 17 maddədən ibarət qanun layihəsi ölkədə daxili auditin təşkilini və fəaliyyətini tənzimləyəcək.
Bundan başqa, parlamentin yaz sessiyasında "Auditorun mülki hüquq məsuliyyətinin icbari sışortası haqqında" qanunun layihəsinin də qəbul olunacağı gözlənilir.